95-ാമത് ഓസ്കാര്‍ പുരസ്കാരങ്ങൾ അമേരിക്കയിലെ ലോസ് ആഞ്ചൽസിലെ ഡോൾബി തിയേറ്ററിൽ പ്രഖ്യാപിച്ചപ്പോൾ പിറന്നത് ഇന്ത്യക്കാർക്ക് കൂടി അഭിമാനിക്കാവുന്ന നേട്ടങ്ങൾ.
ഈ മേഖലയിൽ നിന്ന് മത്സര പരീക്ഷകൾക്ക് പ്രതീക്ഷിക്കാവുന്ന വസ്തുതകൾ ചോദ്യോത്തര രൂപത്തിൽ.Quiz
Q 1: ❓ഒറിജിനല്‍ സോങ് വിഭാഗത്തിൽ മികച്ച ഗാനത്തിനുള്ള പുരസ്കാരം കരസ്ഥമാക്കിയ 'നാട്ടു നാട്ടു' ഗാനം ഏതു ദക്ഷിണേന്ത്യൻ സിനിമയിലേതാണ്?
✅ ആർ.ആർ.ആർ (രൗദ്രം രണം രുധിരം). ✨ നേരത്തെ ഗോള്‍ഡന്‍ ഗ്ലോബ് പുരസ്കാരവും ഈ ഗാനം നേടിയിരുന്നു.
Q 2: ❓95-ആമത് ഓസ്കാര്‍ പുരസ്കാര വേദിയില്‍ മികച്ച ഗാനത്തിനുള്ള പുരസ്കാരം ഏറ്റു വാങ്ങിയവർ ആരെല്ലാം?
✅ സംഗീത സംവിധായകന്‍ എം.എം കീരവാണിയും ഗാനരചയിതാവ് ചന്ദ്രബോസും ചേര്‍ന്ന്.
Q 3: ❓'നാട്ടു നാട്ടു' ഗാനം ആലപിച്ച ഗായകർ ആരെല്ലാം?
✅ കാലഭൈരവ, രാഹുല്‍ സപ്ലിഗഞ്ച്.
Q 4:❓നാട്ടു എന്ന തെലുങ്കു വാക്കിന്റെ അർത്ഥം എന്താണ്?
✅ നൃത്തം
Q 5: ❓1920-കളിൽ തെലുങ്കാനയിലെ ആദിവാസി പോരാട്ടങ്ങള്‍ക്ക് നേതൃത്വം കൊടുത്ത സ്വാതന്ത്ര്യ സമരസേനാനികളായ അല്ലൂരി സീതാരാമ രാജു, കോമരം ഭീം എന്നിവരുടെ കഥ പറയുന്ന RRR ചിത്രം സംവിധാനം ചെയ്തത് ആര്?
✅ എസ്.എസ്. രാജമൗലി.
Q 6: ❓മികച്ച ഷോർട്ട് ഡോക്യുമെന്‍ററിക്കുള്ള പുരസ്കാരം ലഭിച്ച 'ദി എലിഫന്‍റ് വിസ്പറേഴ്സ്' തമിഴ്നാട്ടിലെ ഏതു ദേശീയ ഉദ്യാനം പശ്ചാത്തലമാക്കിയാണ് ചിത്രീകരിച്ചിരിക്കുന്നത്?
✅ മുതുമല ദേശീയ ഉദ്യാനം
Q 7: ❓തമിഴ്നാട്ടിലെ ഗോത്രവിഭാഗത്തിൽപെട്ട ബൊമ്മൻ-ബെല്ല ദമ്പതികളുടെ ജീവിതത്തിലൂടെ മനുഷ്യനും മൃഗങ്ങളുമായുള്ള ആത്മബന്ധത്തിന്‍റെ കഥ പറയുന്ന 'ദി എലിഫന്‍റ് വിസ്പറേഴ്സ്' സംവിധാനം ചെയ്തതാര്?
✅ കാർത്തികി ഗോൺസാൽവസ് (ഊട്ടി സ്വദേശിനി). ✨ കാട്ടിൽ ഉപേക്ഷിക്കപ്പെട്ട ആനക്കുട്ടികൾക്കായി ജീവിതം ഉഴിഞ്ഞുവച്ചവരാണ് ബൊമ്മനും ബെല്ലയും. ഇവർ വളർത്തുന്ന രഘു, അമ്മു എന്ന് പേരുള്ള രണ്ട് ആനക്കുട്ടികളാണ് കഥയുടെ കേന്ദ്രബിന്ദു.
Q 8: ❓പെര്‍സിസ് ഖംബട്ടയ്ക്കും പ്രിയങ്ക ചോപ്രയ്ക്കും ശേഷം ഓസ്‌കാറില്‍ അവതാരകയായി എത്തുന്ന മൂന്നാമത്തെ ഇന്ത്യക്കാരിയാര്?
✅ ദീപിക പദുകോൺ
Q 9: ❓ഇതിനുമുമ്പ് ഇന്ത്യക്കാർക്ക് ഓസ്‌കര്‍ പുരസ്കാരം ലഭിക്കുന്നത് 2008-ലെ സ്ലംഡോഗ് മില്ല്യണെയർ എന്ന സിനിമയിലൂടെയായിരുന്നു. അന്ന് പുരസ്കാരം നേടിയവർ ആരെല്ലാം?
